ಪುಣೆ ದೇವಾಡಿಗ ಸಂಘದ ಅರಸಿನ ಕುಂಕುಮ ಕಾರ್ಯಕ್ರಮ.

ಪುಣೆ : ದೇವಾಡಿಗ ಸಂಘ ಪುಣೆ (ರಿ )ಇದರ ವತಿಯಿಂದ ಸಮಾಜಬಾಂಧವ ಮಹಿಳೆಯರಿಗಾಗಿ ಆಯೋಜಿಸಿದ ಅರಸಿನ ಕುಂಕುಮ ಕಾರ್ಯಕ್ರಮವು ಜ ೨೧ ರಂದು ನಗರದ ಸ್ವಾರ್ ಗೇಟ್ ನಲ್ಲಿರುವ ಜಯಶ್ರೀ  ಸಭಾಂಗಣದಲ್ಲಿ ನಡೆಯಿತು . ಸಮಾರಂಭದಲ್ಲಿ ಉಪಸ್ಥಿತರಿದ್ದ ಹಿರಿಯ ಮಹಿಳೆಯರು ದೀಪ ಪ್ರಜ್ವಲಿಸಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಶುಭ ಹಾರೈಸಿದರು .ಗೀತಾ ಮಹಾಬಲ ದೇವಾಡಿಗ ,ಅಮಿತಾ ಸುಕೇಶ್ ದೇವಾಡಿಗ  ಮತ್ತು ಶಶಿಕಾಂತಿ ನರಸಿಂಹ  ದೇವಾಡಿಗ ಪ್ರಾರ್ಥಿಸಿದರು . ಶಿಲ್ಪಾ ಸಚಿನ್ ದೇವಾಡಿಗ ,,ವಸಂತಿ ಪುರಂದರ ದೇವಾಡಿಗ ,ರೇಖಾ ಅಜಯ್ ದೇವಾಡಿಗ ,ಯಶೋಧಾ ಸುರೇಶ ಶ್ರೀಯಾನ್ ಮತ್ತು ಉಷಾ ವಿಜಯ್ ಮೊಯಿಲಿ ಮತ್ತು ಸದಸ್ಯೆಯರು ಸೇರಿದ್ದ ಮಹಿಳೆಯರಿಗೆ ಅರಸಿನ ಕುಂಕುಮ ಹಚ್ಚಿ ,ನೆನಪಿನ ಕಾಣಿಕೆಗಳನ್ನು ನೀಡಿ ಶುಭ ಹಾರೈಸಿದರು .

    ಕಾರ್ಯಕ್ರಮದಲ್ಲಿ ಸಂಘದ ಸ್ಥಾಪಕಾಧ್ಯಕ್ಷ  ಪ್ರಭಾಕರ ಜಿ ದೇವಾಡಿಗ ,ಗೌರವ ಸಲಹಾಗಾರರಾದ ನರಸಿಂಹ ದೇವಾಡಿಗ ,ಅಧ್ಯಕ್ಷರಾದ ಸಚಿನ್ ದೇವಾಡಿಗ ,ಕೋಶಾಧಿಕಾರಿ  ಸುರೇಶ್  ಶ್ರೀಯಾನ್ ,ಪದಾಧಿಕಾರಿಗಳಾದ ಸುಧಾಕರ  ದೇವಾಡಿಗ ,ನವೀನ್ ದೇವಾಡಿಗ ,ಜಗದೀಶ್ ದೇವಾಡಿಗ ,ನಾರಾಯಣ ದೇವಾಡಿಗ ,ಸತೀಶ್ ದೇವಾಡಿಗ ,ಉದಯ ದೇವಾಡಿಗ ,ಸಂತೋಷ್ ದೇವಾಡಿಗ ,ಪುರಂದರ ದೇವಾಡಿಗ ,ವಿಠಲ್ ದೇವಾಡಿಗ  ,ಜನಾರ್ಧನ್ ದೇವಾಡಿಗ ,ಯಶವಂತ ದೇವಾಡಿಗ ,ಲತಾ ದೇವಾಡಿಗ ಮತ್ತು ವಸಂತಿ ದೇವಾಡಿಗ ಉಪಸ್ಥಿತರಿದ್ದರು . ಪ್ರಿಯಾ ಹೆಚ್ ದೇವಾಡಿಗ ಕಾರ್ಯಕ್ರಮ  ನಿರೂಪಿಸಿ  ವಂದಿಸಿದರು . ಕಾರ್ಯಕ್ರಮದ ಕೊನೆಗೆ ಲಘು ಉಪಾಹಾರದ ವ್ಯವಸ್ಥೆಯನ್ನು ಮಾಡಲಾಗಿತ್ತು .

ಪುಣೆ ದೇವಾಡಿಗ ಸಂಘದ 6 ನೇ ವಾರ್ಷಿಕೋತ್ಸವ ಸಮಾರಂಭ.

ಪುಣೆ : ದೇವಾಡಿಗ ಸಂಘ ಪುಣೆ ಇದರ 6ನೇ ವಾರ್ಷಿಕೋತ್ಸವ ಸಮಾರಂಭವು ಜ 28 ರಂದು ಸಂಜೆ 2:30ರಿಂದ ಪುಣೆ ಕನ್ನಡ ಸಂಘದ ಡಾ .ಕಲ್ಮಾಡಿ ಶ್ಯಾಮರಾವ್ ಕನ್ನಡ ಮಾಧ್ಯಮ ಹೈಸ್ಕೂಲ್ ಸಭಾಭವನ ,ಕೇತ್ಕರ್ ರೋಡ್ ,ಪುಣೆ ದಲ್ಲಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ . ಸಂಘದ ಅಧ್ಯಕ್ಷ ಸಚಿನ್ ದೇವಾಡಿಗರವರ ಅಧ್ಯಕ್ಷತೆಯಲ್ಲಿ ಅಧ್ಯಕ್ಷತೆಯಲ್ಲಿ ನಡೆಯಲಿರುವ ಸಭಾ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಎ ಸಿ ಎಂ ಇ ಬಿಲ್ಡಿಂಗ್ ಮೆಟೀರಿಯಲ್ ಟ್ರೇಡಿಂಗ್ ಎಲ್ .ಎಲ್ .ಸಿ ದುಬಾಯಿ ಇದರ ಆಡಳಿತ ನಿರ್ದೇಶಕರಾದ ಹರೀಶ್ ಶೇರಿಗಾರ್ ,ಗೌರವ ಅತಿಥಿಗಳಾಗಿ ನಾಸಿಕ್ ನ ಹೋಟೆಲ್ ಉದ್ಯಮಿ ರವೀಶ್ ಎನ್ ಮೂಲ್ಕಿ ,ಪ್ರೊ .ಕಬಡ್ಡಿ ಖ್ಯಾತಿಯ ಮುಂಬಯಿಯ ಸ್ಟಾರ್ ಆಟಗಾರ ರಿಶಾಂಕ್ ದೇವಾಡಿಗ ,ಸುಮೀರಾ ಫುಡ್ ಪ್ರಾಡಕ್ಟ್ಸ್ ಪ್ರ . ಲಿ ಪುಣೆ ಇದರ ಆಡಳಿತ ನಿರ್ದೇಶಕರಾದ ಅಭಿಜಿತ್ ಖಾಡೆ ಆಗಮಿಸಲಿದ್ದಾರೆ .
ಸಾಂಸ್ಕೃತಿಕ ಕಾರ್ಯಕ್ರಮದಂಗವಾಗಿ ಸಂಘದ ಸದಸ್ಯರಿಂದ  ವಿನೋದಾವಳಿಗಳು ,ಹರೀಶ್ ಶೇರಿಗಾರ್ ದುಬಾಯಿ ಮತ್ತು ಬಳಗದಿಂದ ಸಂಗೀತ ರಸಮಂಜರಿ ಕಾರ್ಯಕ್ರಮ ,ಭಾವನಾ ಡಾನ್ಸ್ ಸ್ಟುಡಿಯೋ ವಿಶ್ರಾಂತವಾಡಿ ಪುಣೆ ಇವರಿಂದ ವಿವಿಧ ನೃತ್ಯ ಕಾರ್ಯಕ್ರಮಗಳು ನಡೆಯಲಿವೆ .
ಸಂಘದ ಹೆಜ್ಜೆ ಗುರುತು  ....
ಕಳೆದ 6 ವರ್ಷಗಳ ಹಿಂದೆ ಪುಣೆಯಲ್ಲಿದ್ದ ದೇವಾಡಿಗ ಸಮಾಜಬಾಂಧವರನ್ನು ಸಾಮಾಜಿಕವಾಗಿ ,ಸಾಂಸ್ಕೃತಿಕವಾಗಿ ಒಗ್ಗೂಡಿಸಿಕೊಂಡು ಪರಸ್ಪರ  ಕಷ್ಟ ಸುಖಗಳನ್ನು ಹಂಚಿಕೊಳ್ಳುವ ಸಲುವಾಗಿ  ಸಮಾಜದ ಹಿರಿಯರ ಮಾರ್ಗದರ್ಶನದಂತೆ ರೂಪುಗೊಂಡ ಸಂಸ್ಥೆಯೇ ದೇವಾಡಿಗ ಸಂಘ ಪುಣೆ . ಸಂಘದ ಸ್ಥಾಪಕಾಧ್ಯಕ್ಷ  ಪ್ರಭಾಕರ ಜಿ ದೇವಾಡಿಗರ ನೇತೃತ್ವದಲ್ಲಿ ಪುಣೆ ನಗರ ,ಪಿಂಪ್ರಿ ಚಿಂಚ್ವಾಡ್ ಸೇರಿದಂತೆ ಪುಣೆಯೆಲ್ಲೆಡೆ ಅಲ್ಲಲ್ಲಿ ನೆಲೆಸಿದ್ದ ಸಮಾಜಬಾಂಧವರನ್ನು ಪರಿಚಯಿಸಿಕೊಂಡು ಸಂಘದೊಂದಿಗೆ ಜೋಡಿಸುವ ಕಾರ್ಯವನ್ನು ಸಂಘಟಕರು ಸಾಮಾಜಿಕ ಬದ್ಧತೆಯೊಂದಿಗೆ ನಿಸ್ವಾರ್ಥವಾಗಿ ತೊಡಗಿಸಿಕೊಂಡು ಸಂಘವನ್ನು ಕಟ್ಟುವಲ್ಲಿ ಅಪಾರವಾಗಿ ಶ್ರಮಿಸಿದ್ದಾರೆ . ಸಂಘದ ವತಿಯಿಂದ  ಸಮಾಜಬಾಂಧವರಿಗಾಗಿ ಪ್ರತೀ ವರ್ಷ ಶಿಕ್ಷಣ ,ಸಾಮಾಜಿಕ ,ಸಾಂಸ್ಕೃತಿಕ ,ಕ್ರೀಡೆ ,ವಾರ್ಷಿಕೋತ್ಸವ ಇತ್ಯಾದಿ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಾ ಸಮಾಜಬಾಂಧವರ ಆಶೋತ್ತರಗಳನ್ನು ಪರಿಗಣಿಸಿ ಸಮಾಜಮುಖಿ ಚಿಂತನೆಗಳೊಂದಿಗೆ ಅತೀ ಕಡಿಮೆ ಅವಧಿಯಲ್ಲಿಯೇ ಪುಣೆಯಲ್ಲಿ ಮಾದರಿ ಸಂಸ್ಥೆಯಾಗಿ ಗುರುತಿಸಿಕೊಂಡ ಹೆಗ್ಗಳಿಕೆ ಸಂಘಕ್ಕಿದೆ .
ಸಂಘದ ಸಾಮಾಜಿಕ ಬದ್ಧತೆ
ಸಮಾಜದ ಮಕ್ಕಳು ಆರ್ಥಿಕ ಅಡಚಣೆಯಿಂದ ವಿದ್ಯಾವಂಚಿತರಾಗಬಾರದೆನ್ನುವ ಉದ್ದೇಶದಿಂದ ಅವರಿಗೆ ವಿದ್ಯೆಗೆ ಪ್ರೋತ್ಸಾಹ ನೀಡಲು ವಿದ್ಯಾನಿಧಿಯನ್ನು ಸ್ಥಾಪಿಸಿ ನೆರವು ನೀಡುತ್ತಾ ಬಂದಿದೆ . ಮಕ್ಕಳಿಗೆ ಕ್ರೀಡೆಗೆ ಪ್ರೋತ್ಸಾಹಿಸುವ ಸಲುವಾಗಿ ಕ್ರೀಡಾಕೂಟವನ್ನು ಆಯೋಜಿಸುವುದಲ್ಲದೆ ತುರ್ತು ಸಮಯದಲ್ಲಿ ರೋಗಿಗಳಿಗೆ ನೆರವಾಗುವುದು ,ಮಹಿಳೆಯರಿಗಾಗಿ ಅರಸಿನ ಕುಂಕುಮದಂತಹ ಧಾರ್ಮಿಕ ಕಾರ್ಯಕ್ರಮದ ಆಯೋಜನೆ ,ದಸರಾ ಸಂದರ್ಭ ಭಜನೆ ,ಪೂಜೆ ,ದಾಂಡಿಯಾ ಕಾರ್ಯಕ್ರಮಗಳ ಆಯೋಜನೆ ,ತುಳುನಾಡಿನ ಆಚಾರವಿಚಾರಗಳನ್ನು ಯುವ ಪೀಳಿಗೆಗೆ ಪರಿಚಯಿಸುವಂತಹ ಆಟಿಕೂಟದಂತಹ ಆಚರಣೆ ,ಪ್ರತೀ ವರ್ಷ ವಾರ್ಷಿಕೋತ್ಸವ ಸಂದರ್ಭಗಳಲ್ಲಿ ಮಕ್ಕಳಿಗೆ ತಮ್ಮ ಪ್ರತಿಭೆಗಳನ್ನು ತೋರ್ಪಡಿಸಲು ಸೂಕ್ತ ವೇದಿಕೆಯನ್ನು ಒದಗಿಸಿಕೊಡುವುದು ,ಸಮಾಜದ ಸಾಧಕರನ್ನು ಗುರುತಿಸಿ ಸಮ್ಮಾನಿಸುವುದು ,ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಗೌರವಿಸುವುದು ಸೇರಿದಂತೆ  ಹಲವಾರು  ಸಮಾಜಮುಖಿ ಕಾರ್ಯಗಳಿಂದ ಸಂಸ್ಥೆ ಕಾರ್ಯೋನ್ಮುಖವಾಗಿ ಗಮನ ಸೆಳೆಯುತ್ತಿದೆ .
ಯಶಸ್ಸಿನ ಹಿಂದಿರುವ ಸಂಘದ ಸಮಿತಿ
ಸಂಘದ ಸ್ಥಾಪಕಾಧ್ಯಕ್ಷರಾಗಿ ಆಯ್ಕೆಗೊಂಡ ಪ್ರಭಾಕರ ಜಿ ದೇವಾಡಿಗರ ದಕ್ಷ ನೇತೃತ್ವದಲ್ಲಿ ನಾಲ್ಕು ವರ್ಷಗಳ ಕಾಲ ಸಂಘಟನೆ ಯಶಸ್ವಿಯಾಗಿ ಮುನ್ನಡೆಯಿತಲ್ಲದೆ ಇದೀಗ ಸಚಿನ್ ಕೆ ದೇವಾಡಿಗರು ಅಧ್ಯಕ್ಷರಾಗಿ ಆಯ್ಕೆಯಾಗಿ ಸಂಘದ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದು ಗೌರವಾಧ್ಯಕ್ಷ ಅಣ್ಣಯ್ಯ ಬಿ ಶೇರಿಗಾರ್ , ಸ್ಥಾಪಕಾಧ್ಯಕ್ಷ ಪ್ರಭಾಕರ ಜಿ ದೇವಾಡಿಗ,ಮುಖ್ಯ ಸಲಹಾಗಾರರಾದ ನರಸಿಂಹ ದೇವಾಡಿಗ,ಉಪಾಧ್ಯಕ್ಷರಾದ  ಕೃಷ್ಣ ಕಲ್ಯಾಣ್ ಪುರ್ ಹಾಗೂ ಮಹಾಬಲೇಶ್ವರ್ ದೇವಾಡಿಗ ,ಪ್ರಧಾನ ಕಾರ್ಯದರ್ಶಿ ಪ್ರಿಯಾ ಹೆಚ್ ದೇವಾಡಿಗ ,ಕೋಶಾಧಿಕಾರಿ ಸುರೇಶ್ ಶ್ರೀಯಾನ್ ,ಜತೆ ಕಾರ್ಯದರ್ಶಿ ನಾರಾಯಣ ದೇವಾಡಿಗ ,ಜತೆ ಕೋಶಾಧಿಕಾರಿ ವಿಠಲ್ ದೇವಾಡಿಗ ,ಕ್ರೀಡಾ ಕಾರ್ಯದರ್ಶಿ ಯಶವಂತ್ ಜಿ ದೇವಾಡಿಗ ,ಸಾಂಸ್ಕೃತಿಕ ಕಾರ್ಯದರ್ಶಿ ಜನಾರ್ಧನ್ ದೇವಾಡಿಗ ,ಸಂಘಟನಾ ಕಾರ್ಯದರ್ಶಿಗಳಾಗಿ ಸತೀಶ್ ದೇವಾಡಿಗ ,ಸಂತೋಷ್ ದೇವಾಡಿಗ ,ಉದಯ ದೇವಾಡಿಗ ಹಾಗೂ ಪ್ರಕಾಶ್ ದೇವಾಡಿಗ ಮತ್ತು ಕಾರ್ಯಕಾರಿ ಸಮಿತಿಯ ಸದಸ್ಯರುಗಳ  ಅವಿರತ ಶ್ರಮದಿಂದ ಸಂಸ್ಥೆ ಅಭಿವೃದ್ಧಿಯ ಪಥದಲ್ಲಿ ಮುನ್ನಡೆಯುತ್ತಿದೆ .ಈಗಾಗಲೇ ಸಂಘವು ಸ್ವಂತ ಕಚೇರಿಯನ್ನು ಹೊಂದುವ ಬಗ್ಗೆಯೂ ಚಿಂತನೆ ನಡೆಸುತ್ತಿದೆ .ಇದೀಗ 6 ನೇ ವಾರ್ಷಿಕೋತ್ಸವ ಸಮಾರಂಭಕ್ಕೆ ಸಮಾಜಬಾಂಧವರೆಲ್ಲರೂ ಆಗಮಿಸುವಂತೆ ಸಂಘದ ಅಧ್ಯಕ್ಷರು ಮತ್ತು ಸರ್ವ ಪದಾಧಿಕಾರಿಗಳು ವಿನಂತಿಸಿರುತ್ತಾರೆ .

ಅಹಂಕಾರ ಎಂಬುದು ಅಪಾಯಕಾರಿ.

ಈ ಪ್ರಪಂಚದಲ್ಲಿ ಜ್ಞಾನ ಎಂಬುದು ಬಹು ಮುಖ್ಯ ಸಂಪತ್ತು. ವಿಶೇಷವಾದ ತಿಳಿವಳಿಕೆಯುಳ್ಳವರನ್ನು ಜ್ಞಾನಿಗಳೆನ್ನುತ್ತಾರೆ. ಅಂಥ ಜ್ಞಾನವಿಲ್ಲದವರನ್ನು ಅಜ್ಞಾನಿಗಳೆಂದೂ, ಕಡಿಮೆ ಜ್ಞಾನವುಳ್ಳವರನ್ನು ಅಲ್ಪ ಜ್ಞಾನಿಗಳೆಂದೂ ಕರೆಯುತ್ತಾರೆ. ಇನ್ನೊಂದು ವರ್ಗದವರಿರುತ್ತಾರೆ. ಅವರು ಅಲ್ಪ ಜ್ಞಾನಿಗಳಾಗಿದ್ದರೂ ತಾವು ಮಹಾ ಜ್ಞಾನಿಗಳು ಎಂಬಂತೆ ಕೆಟ್ಟ ಅಹಂಕಾರದಿಂದ ವರ್ತಿಸುತ್ತಾರೆ. ಕೇವಲ ತಮ್ಮ ಮನೆತನ, ಕುಲ, ಹುದ್ದೆಯ ಬಲದಿಂದ ವ್ಯವಹರಿಸುತ್ತಾರೆ. ಅಂಥವರ ಕಣ್ಣು ತೆರೆಯಿಸಿದ ಒಂದು ಹಳ್ಳಿಯ ಮುದುಕಿಯ ಪ್ರಸಂಗ ಅತೀವ ಸ್ವಾರಸ್ಯಕರವಾಗಿದೆ:
ಮಾಳವ ದೇಶದ ರಾಜನಾದ ಭೋಜನು ಒಮ್ಮೆ ತನ್ನ ಆಸ್ಥಾನದ ಮಹಾ ಪಂಡಿತನಾದ ಮಾಘನೊಂದಿಗೆ ವಿಹಾರಕ್ಕೆ ಹೊರಟಿದ್ದ. ಹಳ್ಳಿಯೊಂದರಲ್ಲಿ ದಾರಿ ತಪ್ಪಿದರು. ಇಷ್ಟರಲ್ಲಿ ಹಳ್ಳಿಯ ಒಬ್ಬ ಮುದುಕಿ ಸಿಕ್ಕಿದಳು. ಇಬ್ಬರೂ ಆಕೆಗೆ ನಮಸ್ಕರಿಸಿ ಪ್ರಶ್ನಿಸಿದರು-
'ಅಜ್ಜಿ, ಈ ರಸ್ತೆ ಎಲ್ಲಿಗೆ ಹೋಗುತ್ತದೆ?'
ಮುದುಕಿ ಉತ್ತರಿಸಿದಳು-'ಈ ರಸ್ತೆ ಇಲ್ಲೇ ಇರುತ್ತದೆ. ಇದರ ಮೇಲೆ ನಡೆಯುವವರು ಮಾತ್ರ ಹೋಗುತ್ತಾರೆ. ಆದರೆ ನೀವು ಯಾರು?'
ಇಬ್ಬರೂ ನುಡಿದರು-
'ನಾವು ಪಥಿಕರು'.
ತಕ್ಷ ಣವೇ ಮುದುಕಿ ಹೇಳಿದಳು-'ಈ ಲೋಕದಲ್ಲಿ ಇಬ್ಬರೇ ಪಥಿಕರು. ಒಬ್ಬ ಸೂರ್ಯ ಮತ್ತೊಬ್ಬ ಚಂದ್ರ. ನೀವು ಯಾವ ಪಥಿಕರು?'
ಮಾಘ ಪಂಡಿತರು ನುಡಿದರು-'ನಾವು ಅತಿಥಿಗಳು'.
ಮುದುಕಿ ಥಟ್ಟನೆ ಪ್ರಶ್ನಿಸಿದಳು- 'ಇಬ್ಬರೇ ಅತಿಥಿಗಳು ಈ ಪ್ರಪಂಚದಲ್ಲಿ. ಮೊದಲನೆಯದು ಧನ, ಎರಡನೆಯದು ಯೌವನ. ನೀವು ಯಾರು?'
ಈಗ ರಾಜ ಭೋಜರಾಜ ಉತ್ತರಿಸಿದ-'ನಾವು ಇಲ್ಲಿಯ ರಾಜ ಭೋಜರಾಜರು'.
ಮುದುಕಿ ಮತ್ತೆ ಕೇಳಿದಳು-'ರಾಜರು ಇಬ್ಬರೇ. ಸ್ವರ್ಗದ ರಾಜ ಇಂದ್ರ, ಮತ್ತೊಬ್ಬ ಯಮರಾಜ, ನೀವು ಯಾರು?'
ಇಬ್ಬರೂ ಉತ್ತರಿಸಿದರು. 'ನಾವು ಸಾಮರ್ಥ್ಯ‌ವಂತರು'.
ಆಕೆ ನುಡಿದಳು- 'ಈ ಪ್ರಪಂಚದಲ್ಲಿ ಇಬ್ಬರೇ ಸಾಮರ್ಥ್ಯ‌ವಂತರು. ಪೃಥ್ವಿ ಮತ್ತು ನಾರಿ. ನೀವು ಹಾಗೆ ಕಾಣಿಸುವುದಿಲ್ಲ. ಮತ್ತೆ ಯಾರು ನೀವು?'
ರಾಜ ಭೋಜ ನುಡಿದ-'ನಾವು ಸಾಧುಗಳು'.
ಮುದುಕಿಯೆಂದಳು-'ಇಬ್ಬರೇ ಸಾಧುಗಳು. ಒಂದು ಶೀಲ ಮತ್ತೊಂದು ಸಂತೋಷ. ನಿಜ ಹೇಳಿ, ನೀವು ಯಾರು?'.
ಮಾಘ ನುಡಿದ 'ನಾವು ಪರದೇಶಿಗಳು'
ಮುದುಕಿ ಹೇಳಿದಳು- 'ಜೀವ ಮತ್ತು ಮರಣ ಪರದೇಶಿಗಳು, ನೀವ್ಯಾರು?'.
ಚಕಿತನಾದ ಮಾಘ ಪಂಡಿತ ನುಡಿದ-'ನೀನೇ ಹೇಳು ಅಜ್ಜಮ್ಮ, ನಾವು ಸೋತವರು'.
ಮುದುಕಿಯೆಂದಳು-'ಯೇ ತಮ್ಮ, ಈ ಪ್ರಪಂಚದಲ್ಲಿ ಸಾಲ ತೆಗೆದುಕೊಂಡವರು ಸೋತವರು. ನೀವು ಯಾರು?'
ಕೊನೆಗೂ ಅವರು ಸೋಲೊಪ್ಪಿಕೊಂಡು ಜಾಣೆ ಮುದುಕಿಯೊಡನೆ ಹೇಳಿದರು-'ಹೇಳು ತಾಯಿ, ನಮಗೇನೂ ತಿಳಿಯದು. ನಿಜಾಂದ್ರೆ ನೀನೇ ಎಲ್ಲ ಅರಿತವಳಮ್ಮ'.
ತುಸು ಗಂಭೀರಳಾದ ಮುದುಕಿ ನುಡಿದಳು-'ನಿಮ್ಮಿಬ್ಬರಿಗೂ ಪಾಂಡಿತ್ಯ ಮತ್ತು ಐಶ್ವರ್ಯದ ಅಹಂಕಾರ ತಲೆಗೇರಿತ್ತು. ನೀವು ರಾಜ ಭೋಜ ಮತ್ತು ಮಾಘ ಪಂಡಿತನೆಂದು ನನಗೆ ತಿಳಿದಿತ್ತು. ರಸ್ತೆ ಈ ಕಡೆಗಿದೆ. ಇನ್ನೆಂದೂ ಇಂಥ ಅಹಂಕಾರ ತೋರಿಸಬೇಡಿ'.
ಅಹಂಕಾರದ ಪಿತ್ಥ ತಲೆಯಿಂದ ಇಳಿಯುತ್ತಲೇ ಇಬ್ಬರೂ ತಪ್ಪೊಪ್ಪಿಕೊಂಡು ಕ್ಷ ಮೆ ಯಾಚಿಸಿದರು. ಮುಂದಕ್ಕೆ ತಮ್ಮನ್ನು ಸಾಮಾನ್ಯ ಮನುಷ್ಯರೆಂದು ಭಾವಿಸಿ ಪರಿವರ್ತಿಸುತ್ತೇವೆ ಎಂದು ಪ್ರತಿಜ್ಞೆ ಮಾಡಿದರು.
ಸಾಮಾನ್ಯವಾಗಿ ಜನರು ತಮ್ಮ ಅಂತರಂಗದ ಒಳಗುಟ್ಟನ್ನು ಅಡಗಿಸಿಡಲು, ಕೆಲವರು ಸುಳ್ಳು ಹೇಳುವುದುಂಟು. ಯಾರಿಗೂ ಹಾನಿಯುಂಟು ಮಾಡದೆ ಸುಳ್ಳು ಹೇಳಿದರೆ ಪರವಾಗಿಲ್ಲ ಎಂದು ಅವರು ಭಾವಿಸುವುದಿದೆ. ಆದರೆ ಅಹಂಕಾರ ಎಂಬುದು ಅತ್ಯಂತ ಅಪಾಯಕಾರಿ. ಅಹಂಕಾರದಿಂದ ಪ್ರೇರಿತರಾಗುವ ಮಂದಿ ಅಹಂಕಾರ, ತ್ಯಾಗ ಮಾಡಿದಾಗ ಬಹು ಸುಲಭವಾಗಿ ಸತ್ಯವಾದಿಗಳಾಗುವರು. ಇಂತಹ ಸತ್ಯವಾದಿಗಳ ಸಂಖ್ಯೆ ಈ ಲೋಕದಲ್ಲಿ ಹೆಚ್ಚಾಗಬೇಕಿದೆ.

ಭಜನೆಯಿಂದಾಗುವ ಉಪಯೋಗಗಳು.

ಸಾಮಾನ್ಯವಾಗಿ ಜನರ ಮನಸ್ಸಿನಲ್ಲಿ ಏನಾದರೊಂದು ವಿಚಾರ ನಡೆಯುತ್ತಲೇ ಇರುತ್ತದೆ. ಒಬ್ಬೊಬ್ಬರ ಮನಸ್ಸಿನಲ್ಲಿ ಒಂದೊಂದು ತರಹ ಭಯ,ಚಿಂತೆ,ಅಸೂಯೆ,ಕ್ರೋಧ,ಮದ,ಮಾತ್ಸರ್ಯ,ಹೀಗೆ ವಿಧ ವಿಧವಾದ ಯೋಚನೆಗಳು.
ಆದರೆ ಅವರೆಲ್ಲರೂ ಒಟ್ಟಿಗೆ ಭಜನೆಯಲ್ಲಿ ಕುಳಿತಾಗ, ಪೂರ್ತಿ ಭಜನೆಯಲ್ಲಿ ಸೇರಿಹೋದಾಗ ಅವರೆಲ್ಲರ ವಿಧ ವಿಧವಾದ ಯೋಚನೆಗಳು ಕರಗಿ ಹೋಗುತ್ತದೆ.ಸೂರ್ಯನೆದುರು ಮಂಜು ಕರಗುವಂತೆ.
ಮತ್ತೂ ಮತ್ತೂ ಪೂರ್ಣವಾಗಿ ಭಜನೆಯಲ್ಲಿ ನೀವು ಸೇರಿಹೋಗುತ್ತಿದ್ದಹಾಗೆ ನಿಮ್ಮಲ್ಲಿ ಒಂದು ವಿಧವಾದ ತರಂಗಗಳು ಹೊರಹೊಮ್ಮಲು ಶುರುವಾಗುತ್ತದೆ.ಅವುಗಳೇ ಶಕ್ತಿಯ ತರಂಗಗಳು.ಅವು ನಮ್ಮ ಕಣ್ಣಿಗೆ ಗೋಚರಿಸದಿದ್ದರೂ ಅದರ ಅನುಭವ ನಿಮಗಾಗುತ್ತದೆ.
ಇವುಗಳು ನಿಮಗೆ ಮಾತ್ರ ಆನಂದ ಉಂಟುಮಾಡದೆ ನಿಮ್ಮ ಸುತ್ತ ಕುಳಿತವರಿಗೂ ಹರಡುತ್ತವೆ.ಅವರಿಗೂ ಆನಂದದ ಅರಿವಾಗುತ್ತದೆ.ಪ್ರತಿಯೊಬ್ಬರಿಂದಲೂ ಈ ರೀತಿಯ ಶಕ್ತಿ ಅಲೆಗಳು ಹೊರಹೊಮ್ಮಿ ಆ ಭಜನೆಯ ಸ್ಥಳವೇ ಒಂದು ಶಕ್ತಿಯ ಕೇಂದ್ರ ಬಿಂದುವಾಗುತ್ತದೆ.
ಅದಕ್ಕೆ ಹಿಂದಿನವರು ಹೇಳುತ್ತಿದ್ದರು-ಎಲ್ಲೆಲ್ಲಿ ಸತ್ಸಂಗ,ಭಜನೆ ನಡೆಯುವುದೊ ಅಲ್ಲಿ ಆಂಜನೇಯ ಇರುವನೆಂದು.ಅಂದರೆ ನಿಮ್ಮ ಭಜನೆಯಿಂದ ದೇವರು ಪ್ರತ್ಯಕ್ಷವಾಗದಿದ್ದರೂ ನಿಮ್ಮಲ್ಲೇ ದೇವರ ಅವತಾರವಾಗುತ್ತದೆ.ನೀವೇ ಸಾಕ್ಷಾತ್ ದೇವರಾಗುತ್ತೀರಿ.
ಭಜನೆ ಮಾಡುವ ಸಮಯದಲ್ಲಿ ಭಜನೆಯ ಪ್ರತಿಯೊಂದು ಶಬ್ದವನ್ನೂ ಅನುಭವಿಸಿ ಆನಂದಿಸಿ.ಆದರೆ ಭಜನೆ ಚೆನ್ನಾಗಿತ್ತು,ಅದು ಚೆನ್ನಾಗಿಲ್ಲ,ಅವರು ಸರಿಯಾಗಿ ಹಾಡಲಿಲ್ಲ,ಎಂದೆಲ್ಲಾ ಯೋಚಿಸಲು ಹೋಗಬಾರದು.ಯಾವಾಗ ಬೇಕು-ಬೇಡಗಳ ಬಗ್ಗೆ ಚಿಂತಿಸುತ್ತೀರೋ ಕೂಡಲೆ ನಿಮ್ಮ ಶಕ್ತಿ ಇಳಿದುಹೋಗುತ್ತದೆ. ಭಜನೆ ಹೇಗಿದೆಯೋ ಹಾಗೆ ಸ್ವೀಕರಿಸಿ ಅದರೊಂದಿಗೆ ಆನಂದದಿಂದಿರಿ.ರಾಗ ತಾಳ ಹೇಗೇ ಇರಲಿ ದೇವರನಾಮ ಬಾಯಿಗೆ ಬರಲಿ ಎಂದು ಕೇಳಿದ್ದೀರಲ್ಲ ಹಾಗೆ ಭಜನೆಯನ್ನು ಕಣ್ಣು ಮುಚ್ಚಿ ಮಾಡಿರಿ.

ದೇವಾಡಿಗರೇ ಜಾತೀಯತೆಯ ಬಗ್ಗೆ ಆತ್ಮ ವಿಮರ್ಶೇ ಮಾಡಿಕೊಳ್ಳಿರಿ.

ಜನವರಿ 1 ರಂದು ಪುಣೆಯಲ್ಲಿ ದಲಿತರ ಭೀಮಾ ಕೋರೆಗಾವ್ ಪೇಶ್ವೇಗಳ ವಿರುದ್ದ ಬ್ರಿಟಿಷರ ಗೆಲುವಿನ 200 ವರ್ಷದ ವಿಜಯೋತ್ಸವದ ಆಚಾರಣೆ ಎನ್ನುವOಥದ್ದು ಅಂದಿನ ದಲಿತರ ಒಂದು ಜಾತೀಯತೆ ಯಾವ ಮಟ್ಟದಲ್ಲಿತ್ತು ಎOಬುದನ್ನು ತೋರಿಸುತ್ತದೆ. ಬ್ರಿಟಿಶರ ಸೈನ್ಯದಲ್ಲಿ ಸೈನಿಕರಾಗಿದ್ದ ದಲಿತರಿಗೆ ಪೇಶ್ವೇ ಬ್ರಾಹ್ಮಣರ ವಿರುದ್ದ ಅಂದು ಅವರಿಗೆ ಮೇಲ್ವರ್ಗದ ಮೇಲಿನ ವಿರುದ್ದದ ವಿಜಯವೇ ಆಗಿತ್ತು.ನಾನು ನನ್ನ ಬಾಲ್ಯದಲ್ಲಿಯೆ ಅಸ್ಪೃಶ್ಯತೆ ಎಸ್ಟು ಗಾಡವಾಗಿತ್ತು ಎOದು ಹತ್ತಿರದಲ್ಲಿಯೇ ಕಂಡವ. ಅದು 200 ವರ್ಷಗಳ ಹಿOದೆ ಊಹಿಸಲು ಆಗದ ಪರಿಸ್ಥಿತಿ ಇರಬಹುದು.ಆಗ ಈ ಮೇಲ್ವರ್ಗದ ವಿರುದ್ದ ಸೇಡು ತೀರಿಸಿಕೊಳ್ಳಲು ಬ್ರಿಟಿಷರ ಸೈನ್ಯ ಸೇರಿರಬಹುದು. ಬ್ರಿಟಿಷರು ಈ ಜಾತೀಯತೆಯನ್ನು ದಾಳವಾಗಿಸಿಕೊOಡು ಇಡೀ ದೇಶವನ್ನೇ ವಶಪಡಿಸಿಕೊOಡದ್ದು ಇತಿಹಾಸ. ಇನ್ನು ಶತ್ರುವಿನ ಶತ್ರು ನಮಗೆ ಮಿತ್ರ ಎನ್ನುವ ಮಾತಿನಂತೆ ದಲಿತರು ದೇಶದ ವಿರುದ್ದ ಆದರೂ ಪರವಾಗಿಲ್ಲ ಒಮ್ಮೆ ಹೀನಾಯವಾಗಿ ಕಾಣುತ್ತಿರುವ ಈ ಮೇಲ್ವರ್ಗದವರನ್ನು ಸದೆಬಡಿಯಲೋಸುಗ ಬ್ರಿಟಿಷರನ್ನು ಆಯ್ಕೆ ಮಾಡಿಕೊOಡದ್ದು ಅಂದಿನ ದಲಿತರ ಜಾತೀಯತೆಯ ಕಾವನ್ನು ತೋರಿಸುತ್ತದೆ. ಇಂದು ಅದೇ ಅವರ ಜಾತೀಯತೆ 200 ಪಟ್ಟು ಹೆಚ್ಚಾಗಿದೆ ಅಂದರೇ ತಪ್ಪಲ್ಲ. ರಾಜಕೀಯ ಔಟ್ ಬ್ಯಾOಕ್ ಆಗಿ ಬೆಳೆಯಲು ಈ ಜಾತೀಯತೆಯ ಓಗ್ಗಟ್ಟೇ ಕಾರಣ. ಎರಡು ದಿನಗಳ ಒಳಗೆ ಅವರ ಜಾತೀಯತೆಯ ಕಾವು ಇಡೀ ಮಹರಾಸ್ಟ್ರ ಹರಡಿದೆ. ಆದರೆ ಸಾರ್ವಜನಿಕ ಆಸ್ತಿ ಪಾಸ್ತಿ ಹಾಳು ಮಾಡುವುದು ಅಕ್ಶಮ್ಯ ಅಪರಾಧ. ದಲಿತರಿಗೆ ಅನ್ಯಾಯವಾದಾಗ ಇಡೀ ದೇಶದಲ್ಲಿನ ಅವರ ಆ ಒಗ್ಗಟ್ಟಿನ ಸೊಬಗು ನಿಜಕ್ಕೂ ಶ್ಲಾಘನೀಯ. ಆದರೆ ನಮ್ಮ ದೇವಾಡಿಗರಲ್ಲಿ ?
ನಿಜಕ್ಕೂ ಇದನ್ನು ದೇವಾಡಿಗ ನಾಯಕರುಗಳಿOದ ಹಿಡಿದು ಸಾಮಾನ್ಯ ದೇವಾಡಿಗರು ಆತ್ಮ ವಿಮರ್ಶೇ ಮಾಡಿಕೊಳ್ಳಬೇಕಿದೆ " ನಾವೇಕೆ ಹೀಗೆ " ? ಇದ್ದ ಸಂಘಟನೆಗಳಲ್ಲಿ ಹ಼ಲವಾರು ಒಡಕು, ಸ್ವಾರ್ಥ, ಮತ್ಸರ, ಎಲ್ಲೆಲ್ಲು ನಾನೇ , ಎಲ್ಲೇಲು ನಾನೇ ಎOಬ ಭಾವ ಬೇರೇ. ಇದಕ್ಕೆ ಉತ್ತರ ನನ್ನಲ್ಲಿ ಇಲ್ಲ,
ಭಂದುಗಳೇ ನಿಮ್ಮಲ್ಲಿದೆಯೇ ?


ಗಣೇಶ್ ಎಸ್ ಬ್ರಹ್ಮಾವರ್
ವಾಶಿ ನವಿ ಮುOಬೈ

ಅವ್ಯವಸ್ಥೆಯ ಆಗರವಾಗಿರುವ ಸರಕಾರಿ ಆಸ್ಪತ್ರೆಗಳು . ಇವುಗಳ ಕಾಯಕಲ್ಪ ಎOದು ?

ಹಿOದೆ ಬಾಲ್ಯದಲ್ಲಿರುವಾಗ ನೆರೆ ಮನೆಯ ಅಜ್ಜಿ ಹೇಳುತಿದ್ದರು ಮನುಶ್ಯನಿಗೆ ಯಾವ ಸಹವಾಸವಾದರೂ ಆಗಬಹುದು ಆದರೆ ಕೋರ್ಟು ಮತ್ತು ಆಸ್ಪತ್ರೆಯ ಸಹವಾಸ ಖಂಡಿತಾ ಬೇಡ. ಈ ವಿಷಯ ಈಗ ಯಾಕೆ ಬಂತೆOದರೆ ನಿನ್ನೆ ನಾನು ಮತ್ತು ನನ್ನ ಮಿತ್ರ ದಯಾನಂದ್ ದೇವಾಡಿಗರು ಠಾಣೆ ಸಿವಿಲ್ ಆಸ್ಪತ್ರೆಗೆ ಒಬ್ರು ದೇವಾಡಿಗ ಭಂಧುವಿನ ಮಗನಿಗೆ ವಿಕಲಾಂಗ ಸರ್ಟಿಫಿಕೇಟ್ ಕೊಡಿಸುವ ಸಲುವಾಗಿ ಹೋಗಿದ್ದೆವು.ಸರಿ ಸುಮಾರು 250ಕ್ಕೂ ಹೆಚ್ಚು ಅಪಂಗ ಜನರು ಸರ್ಟಿಫಿಕೇಟ್ ಅಪೇಕ್ಷಿತರು ಅಲ್ಲಿ ಜಮಾಯಿಸಿದ್ದರು. ಆಸ್ಪತ್ರೆಯ ಪ್ರಾಧಿಕಾರ ಅಲ್ಲಿ ವಾರಕ್ಕೆ ಒಂದು ಬಾರಿ ಬುದವಾರ ಮಾತ್ರ ಈ ಸರ್ಟಿಫಿಕೇಟ್ ಪಡೆಯಲು ಕೌಂಟರು ತೆರೆಯುತ್ತಾರೆ. ಇಡೀ ಠಾಣೆ ಜಿಲ್ಲೆಯ ಪ್ರಾಮಾಣಪತ್ರ ಅಪೇಕ್ಷಿತರು ಒಮ್ಮೆಗೆ ಅ ಮುಗಿಬೀಳುವ ದೄಶ್ಯ ನಿಜಕ್ಕೂ ಹ್ರದಯವಿಧ್ರಾಹಕ. ಅಲ್ಲಿ ಸರಿಯಾದ ವ್ಯವಸ್ಥೆಯಿಲ್ಲ. ಮನೆಯವರು ತಮ್ಮ ಹೆಳವ ಅಭ್ಯರ್ಥಿಗಳನ್ನು ಹಿಡಿದು ಐದಾರು ಕೌOಟರ್ ಗಳತ್ತ ಆಲೆದಾಡುವುದನ್ನು ನೋಡುವಾಗ ಸಾರಕಾರ ಮತ್ತು ಸರಕಾರಿ ವ್ಯವಸ್ಥೇಗಳ ಬಗ್ಗೆ ಹಿಡಿಶಾಪ ಮನದಲ್ಲಿ ಮೂಡಿಬರುತ್ತದೆ. ವಾರಕ್ಕೆ ನಾಲ್ಕು ದಿನ ಇವರುಗಳು ಈ ಕೌಂಟರ್ ತೆರೆದಿಟ್ಟರೆ ಇವರಪ್ಪನ ಆಸ್ತಿ ಏನು ಹೋಗುತ್ತದೆಯೇ ಎನ್ನುವ ಅಲ್ಲಿನವರ ಮಾತುಗಳು ಸಮಂಜಸವೆನಿಸುತ್ತದೆ.ಅಂತೂ ಇಂತೂ ಬೆಳಿಗ್ಗೆ 9 ಗಂಟೆಗೆ ಹೋಗಿ ಸಾಕಸ್ಟು ಒದ್ದಾಟಗಳ ನಂತರ ಮಧ್ಯಾಹ್ನ 3 ಗಂಟೆಗೆ ಅಪಂಗ ಪ್ರಾಮಾಣ ಪತ್ರ ಕೈಸೇರುವಾಗ ಯುದ್ದದಲ್ಲಿ ಗೆದ್ದು ಬಂದOತೆ ಭಾಸವಾಗುತ್ತದೆ ಮಾತ್ರವಲ್ಲದೆ ಮನದಲ್ಲಿ ಒಂದು ಕೆಲ್ಸ ಆಯಿತಲ್ಲ ಎನ್ನುವ ಆತ್ಮತ್ರಪ್ತಿ ಟಸಿಲೊಡೆಯುತ್ತದೆ. ಕೊನಗೆ ಈ ಸರಕಾರಿ ಅವ್ಯವಸ್ಥೆಗಳಿಗೆ ಮುಕ್ತಿ ಯಾವಾಗ ಎOಬ ಪ್ರೆಶ್ನೆ ಗೆ ಉತ್ತರ ನಮ್ಮ ದೇಶದಲ್ಲಿಲ್ಲವೇ ಎOಬ ವಿಚಾರ ಮನಸ್ಸಿನಲ್ಲಿ ಮೂಡಿ ಹ್ರದಯ ಭಾರವೆನಿಸುತ್ತದೆ ?
ಏನಂತೀರಿ ?